مسرحية في الاصل بعنوان (في خيمتنا رجل) تنقل بصورة درامية تقاليد التعارف بين الجنسين والزواج في الازمنة القديمة في سياق قصة ابونا يعقوب.
الهدف
الحب الحقيقي هو الحب الباذل والمضحي من اجل المحبوب مهما كلف المحب من تعب لكي يصل الى من يحبه في نهاية سعيدة وهي الزواج.
الشخصيات:
دان: شخصية من خيال المؤلف يمثل الشاب الهوائي الذي يريد ان تقع الفتيات في غرامه لمجرد التسلية بهن.
يعقوب: شخصية كتابية وهو ابونا يعقوب ابو الاباء. ويوضح النص الفترة التي سافر فيها هربا من اخيه الى خاله لابان وفيها تعرف على راحيل واحبها ..
المشهد الاول:
يدخل يعقوب اولا الى المسرح ثم يدخل من الجهة الاخرى دان..ويتقابلان في المنتصف.
يعقوب: ما هذا؟ هذه الصحراء نبدو ﻻ نهاية لها. لو كان لي رفيق الم تكن رحلتي ايسر. يا الهي، ليتني اجد انيسا لي من البشر…. (ينظر بعيدا) من القادم؟ ربما تهيؤات.
دان: يا ساتر يا رب ..ده شبح ولا ايه؟
(يتقابلان)
يعقوب (يلقي التحية): اسمى يعقوب اسحق ابراهيم..وحضرتك؟
دان: انا بلا فخر ، دان يوبال لامك توبال متعال.
يعقوب: متعال ده لقب العائلة؟
دان : لالا لا مفيش متعال ده عشان القافية.
يعقوب: ورايح فين يا متعال.
دان : ماقولنا مفيش متعال.. اسمي دان..
يعقوب: متاسف.. الى اي مكان انت ذاهب؟
دان : اي مكان. فبلاد الله واسعة.
يعقوب: اذن لماذا تركت بلدك؟
دان : العمل. اسعى وراء رزقي.
يعقوب: وانا مسافر الى خالي. هو يسكن حاران. لعلك تجد عملا لك هناك.
دان : حران؟ وهل هذه بلد حد يروحها. ده احنا في شهر اغسطس عز الحر.
يعقوب: حران ايه؟ بقول حاران. وبعدين لو مش عاجبك بلاد الله واسعة.
دان:: لا . يعجبني ونص وتلت اربع ايضا . هيا بنا الى حران.
يييه. (يهز يده بامتعاض)
دان : خلاص لا تغضب .. هي كانت من باقي عيلتك. . حاران .. حاران..
يعقوب: رفعت عيني الى الجبال من حيث عوني (يدندن ترنيمة).
دان : دي اغنية جديدة نازلة السوق؟ اقصد الصحراء؟ يوووه لا قصدي..
يعقوب: اي اغنية؟
دان : اللي انت بدندن فيها
يعقوب: اللي انا اقوله مش اغنية .
دان : قصيدة؟
يعقوب: ولا قصيدة.
دان : عروستي
يعقوب: عروستك؟؟
دان : ايوة يعني غلب حماري.
يعقوب: حمارك؟ هو فين حمارك؟
دان : لا.. انت باين عليك مش من هنا.
طبعا انا مش من هنا.. انا من…
دان : اوه. ﻻ اقصد السؤال من اين انت ؟ (في سره) انت باين عليك خيبة قوي. انا بسال ايه اللي انت بتغنيه. بس خلص السؤال.
يعقوب: انا كنت اصلي كلام ربنا. تحب تسمع؟
دان : ماشي!
يعقوب: رفعت عيني الى الجبال..
دان : جميل..
يعقوب: طبعا كلام ربنا جميل
دان : انا كان قصدي صوتكجميل
يعقوب: شكرا على ذوقك. صوتي ده نعمة من ربنا.
دان : هو فيه ايه؟
يعقوب: فيه حاجة يا اخ دان؟
دان:: لا (بسخرية) المهم فاضل على بلدكم كم؟
يعقوب: دي مش بلدي. ده بلد والدتي.. ورايح لخالي.
دان : خالي ولا فاضي انا مالي.
يعقوب: لا وصلنا . اترى هذه النخلات؟
دان : اخيرا زيزت انا شايف بير.. انا عطشان
يعقوب: انتظرني.
+
المشهد الثاني:
(هيروديا تظهر على المسرح من اليسار ويدخل دان من اليمين)
دان: بنصبح يا صباح الصباح وبلح الزغلول الاحمر على خدودك يا جميل. ايه الحلاوة والجمال ده كله..
هيروديا: نعم فيه حاجة يا حضرت؟
دان: لا.. الجمال ايوة الجمال اللي هناك دي ملككم؟
هيروديا: وبتسال ليه؟ ناوي تشتريها؟
يعقوب (يقاطع الحوار): يا اختي انت منين؟
دان : هو ده وقته (في سره)
هيروديا: انا من حاران
يعقوب: تعرفي لابان بن ناحور؟
نعم
يعقوب: هل هو بخير؟
نعم وراحيل بنته قادمة هناك مع الجمال
دان (يقاطع): وانا واقف قربة لبن ولا ايه؟
هيروديا: انا مش فاهمة انت ثرثار كدة ليه؟ (تلتفت الى يعقوب) هو ده معاك؟
يعقوب: نعم هي دي راحيل ..؟
هيروديا: نعم.
دان (يصفر): يا عيني يا عيني.. هو القمر بيطلع بالنهار ولا دي ظهورات عز الضهر؟
هيروديا: جرى ايه يا كابتن؟ نحن هنا.
دان: لا مؤاخذة يا جميل
يعقوب: وبعدين معاك يا دان انت شكلككده هتجيب لي المشاكل.
دان: بقولك هو احنا هنقعد في بلاد الجمال ده قصدي الجمال دي.
يعقوب: اه انت مش ناوي تجيبها البر.
(راحيل تتكلم مع يعقوب)
راحيل: انت غريب عن هنا؟
يعقوب: ايوة. انا ابقى يعقوب ابن عمتك رفقة.
راحيل: ابن عمتي. اهلا ابويا يفرح بيك قوى.
(راحيل تخرج بسرعة)
دان : ايه ده؟ انت طلعت معروف.
هيروديا: وهتقعدوا هنا معنا؟ولا يومين وماشيين؟
دان : نمشي نروح فين ونسيب الجمال دي لمين؟
هيروديا: انا مش فاهمة. جمال اايه اللي بيتكلم عنها اخينا ده؟
ما تخديش في بالك.
دان : ويا ترى هنبات فين؟
هيروديا: اصبر على رزقك. على فكرة .. بجوار الخيمة خيمة فندق خمس نخلات.ده احسن فندق عندنا والخدمة هناك ايه وان. فرش ايه من شعر المعيز والغطاء من وبر الجمال اما الحمامات بقى (يقاطعها دان)
دان : كفاية ريحتها وصلت خلاص.. احلى حاجة فيها انها جنب الخيمة بتاعتكوا يا جميل.
راحيل تدخل ومعها ابوها لابان وتاخذ هيروديا ويقفوا في يسار مؤخرة المسرح
(لابان ياخذ يعقوب في حضنه)
ﻻبان: يعقوب.. حبيبي.. وابن اختي الغالية. كيف حالك يا ولد؟ اوه. احنا كبرنا وبقينا رجالة.
دان : فاضل العروسة يا عمي.
ﻻبان: من ده؟
(يعقوب يبدا بالكلام فيقاطعه دان)
يعقوب: ده..
دان : انا دان يوبال توبال .. متعال.
ﻻبان: متعال
دان: لالا مفيش متعال.. انا اعز اصدقاء يعقوب احنا مع بعض من ك جي وان بنقعد على حصيرة واحدة.
نورت بلدنا
يعقوب: انا خايف يا خالي نعمل لك قلق
دان : هو فين قلق بين الاهل؟
يعقوب: يا اخي اسكت شوية
ﻻبان: لا الخيم كلها تحت امركم
يعقوب: انا عاوز اكلمك في شغل
راحيل: بعد اذنك يا بابا اكيد يعقوب عايز يرتاح. انا هاخذه اوريه له خيمته عشان ياكل لقمة ويستريح
دان: وانا مفيش حد ياخدني.
هيروديا: ربنا
دان : نعم؟
هيروديا ربنا بيحبك عشان يعقوب صاحبك.
دان : ربن
كل اسبوع وردة 